نبع الرجولي والشهامي بها الدني

ألقى هذه القصيدة الدكتور أمين الخوري

بمناسبة الذكرى الأربعين لغياب المرحوم جوزيف باخوس قديح

23 تشرين الأول 2005

في كنيسة سيدة الكرمل - دير الآباء الكرمليين في القبيات

بعد الأنتهاء من مراسم جناز الأربعين

نبع الرجولي والشهامي بها الدني	قبيات شو كان المصاب كبير عاقلبك أكيد
وللموت الغادر بالشباب الطيّبي	ما انحنى جبينك الاّ لرب العالمين
وتبقى عاكتف الأرز قلعة محصّني	الله يزيدك ويحمي شبابك بها الوجود
وين البطل جوزيف يقود المعركي	ولما النفير يدق بساحات الوغى
تركتك بسرعة وما قدرت قول بخاطرك يا طيّبي	وهلّق يا شريكة العمر الغنية بالحنان
بقصف العمر هيدي دقائق مرعبي	هيدي حقيقة وصدق كلّو التزام
بتتذكري الكان قدامك ينحني	ومش كل ما دق الجرس عند الغياب
هيدا الوفا عند الرجال الطيّبي	عن محبّي وشهامي واحترام
هيدي غدرات الزمان المزعجي	ومعليش لو كان غيابي بلا حساب
ومن عرق جبينو طعمة اللقمة الطيبي	يحرم الأطفال حنان الأب الكبير
وكلمة يا بابا بتسوا كنوزك يا دني	طعم اليتم يا ناس محرق كجمر السنديان
وعند غياب الشمس فوق قبرك انحني	يسعد صباحك كل ما طل الصباح
هيدي أسرار الكون يا اهل الدني	واسأل الهي ليش حرمتني نبع الحنان
لكن حنان الأم بيعبي الدني	نحنا اماني هون منّا خالدين
الله حرمني "البي" وخلاّ امّي بهالدني	أفراح ومسرّات عاطول الوجود
وتشربي كاسات مرّة بهالدني	لكن يا امي قدّيش بدّك تصبري بهالحياة
وبدموع عينيها بتمحي الليالي المضنيي	الام الوفية ما بيخيفها لا صعاب ولا ممات
مش هيني عالأم توقف بوجهك يا دني	لتوصّل الأطفال عل برّ السلام
يضحّي بدمو شرط تبقى ست مقدّسي	تحفظ كرامة محبوبها اللي كان
تبدّلي دماغك بدماغي بهالدني	وانت يا أمي الحنوني لو تكوني ساعة حصول الغياب
شرط يبقى يوسف المحبوب بحال طيّبي	ما تأخرّتِ ولا لحظة بلا حساب
مش بقلب النعش يلعن غدراتك يا دني	ويرجع على بيتو محمول عاكتاف الشباب
وغياب دايم عا كل أيام الدني	مصيبي كبيري خسارة الأبن الحنون
شو دور هالأنسان الاّ أمامها ينحني	لكن يا أهلي الموت نعمة من السما
قلّو لبيّو بعاد هالكاس عني لكان بتحبني	لكن مسيح الكون لما استحقها
هو المقرر ونحنا لأمرو مننحني	لكن ارادة ربنا بلحظة غياب
ما تتركو العيلي الحزيني الطيبي	وصية وحيدي بقولها لأهلي الكرام
وين بيّكم يا أحفادي الصغار الطيبي	وكل ما يوم العيد دقّوا عالأبواب
يوكّل مسيح الربّ بأطفالك يا دني	بيّنا بأرض الربّ عم يرسل نِعم
وبكنف عيلي شريفي مقدّسي	حتى يربو بعطف فادينا المسيح
الله يعينك بالليالي المظلمي	يا عم باخوس الحامل خسارة جرح بلا عوض
وحدو بيخفّف الآم الرجال المؤمني	لكن مسيح الكون ما بيترك حدا
وديّات أمي الحنون فيهم تعتني	تركت الأماني بين أيادي طاهرة
دمّـات قلبو للعيلي الفاضلي	وعلى المهندس المحبوب كل الأتكال
الله يكون بعونكم يا أهلي الكرام بها الدني	وهالعمر كلّو رحلي قصيري متعبي ومأكّدي
ما يصيبكم مكروه يا أهل المكرمي	وبشكر كل اللي شاركوا بمأتمي وجنازتي